جيت أتغزل والقلم خاطره فيك
ياللي هواك القلب بغضون ساعه
لبيت حبك والزمان مـتقـفيـك
وش عاد لو حدك زمانك قطاعه
فديت قلبك يالغضي هيك مع هيك
أما تعز الشان وألا وداعـــه
أستنسخك أية مكيدة نمت فيك
تشعل فتيل النار بنت بلـكاعه
وش عاد لوطحت بغرامك وألبيك
وش عاد ما أحبك وانا أهل اللكاعه
يمناي برهان المعاني توريــك
يسراي مايخفى يميني شعـاعه
النور نورك والظلام متخفـيك
والشوق نارن غايته بأندلاعه
والحب تحفه نادره ولذته كيك
يستمتعه من خاف ربه وأطاعه
والقلب ما حبك بس أبتلى فيك
من يشتري بريال من ثم باعه
خدك كما الكادي مع الجوري يبديك
مجرى دموع العين يروي أنطباعه
قصة غرام وليل وساعات تطريك
كسر الخواطر وش لقينا متاعـه
ايه ترى قلبي من اليوم يطريك
غريب مثلك من حدته القناعه
جيت أتغزل والقلم خاطره فيك
ياللي هواك القلب بغضون ساعه