في غيابك ماحــزنت...

يالغلا كل يوم يتزايد غلاك . . يالقمر في كل ليله احتريك.

كل ما املك من اشيائي فداك . . وكل شي داخل عروقي يبيك.

عجزت رجولي على تبعة خطاك . .ليت مالي في محبتكم شريك.

كل ماهبهب على قلبي هواك . .كل ماكنت احلم بلمسة يديك.

مايصبرني عليك الا حلاك . .وجهك عيونك رموشك حاجبيك.

عنقك وزولك على لمعة شفاك . .وش اوصف فيك يرحم والديك.

والله اني ماعشقت احدن سواك . .وماخضعت ومانحنيت الا اليك.

عزي لمنهو على جمرة غضاك . . وسعد منهو بالمحبه يهتنيك.

ويل قلبي كل ماطول جفاك . . وويل حال اللي عيونه ترتجيك.

ليه يانبع المحبه جف ماك . . وارتواك اللي ماودي يرتويك.

ليه ياغيم الحزن اظلم سماك . . تهت في دربك وانا ناوي اجيك.

اه لو اقدر على كسبة رضاك . . والله ان ماشوف لاهذي وذيك.

باختصار الاختصار انت الملاك . . وباختصار الى اخر العمر احتريك.

هاك بيت من الشعر يكشف خفاك . .اسمعه وابتعرف اني ميت فيك.

في (حظورك)ماحلمت الا بلقاك . .وفي(غيابك)ماحزنت الا عليك....
وســـــلامتكم